تجربة لأخ ابوسند في تربية الأغنام

هذا مقال للأخ أبوسند الله يجزاه خير .. وارى انه مفيد جدا فاحببت ان تشاركوني الراي


يقول الأخ العزيز أبوسند

بسم الله الرحمن الرحيم

. اللهم صلي على محمد. امابعد. خطرت في بالي فكره وضع المعلومات اللتي اكتسبتها على مدى 18 سنه في تربية الغنم لعل الله ينفع بها المربين الجدد واحصل اجر من العزيز الحكيم

.اول امر يجب ان يتحلى به المربي هو الرحمه على البهيمه متى ماتوفرت هذه الصفه كانت باقي الامور سهله يقدر يتعلمها من الامثله ترحم البهيمه من الجوع من العطش من الاحوال الجويه المتقلبه برد مطر حر ........الخ . ندخل بالموضوع

1:الغنم ماهي مكينة فلوس وبس حيوان اذا احسنت فيه حصلت اجر في الدنيا والاخره والعكس صحيح

2:قبل الدخول للمهنه هذه الناس تسال كم هو العدد المناسب الجواب واحد كل الاعداد فيها بركه اذا دلك علا التصرف الصحيح في الوقت الصحيح من عشرروس الى 1000راس.

3: بداية تاسيس مشروع الغنم لازم اذاكان عندك مبلغ معين تقسمه نصفين نص غنم والنصف الاخر اعلاف الانسان بطبعه عجول من الاخطاء الشائعه ان االواحد يحط كل الفلوس بالغنم ويفتح حلقه لاجا وقت العلف ويقعد يحوس في مشكلة العلف وشلون يدبر الفلوس لين يهلك الغنم وييأس ويخسر وتنطلق الكلمه المشهوره عند الناس الغنم ماوراها الاالخساره تاكلك بالعلف وتفقرك .

4:يجب علا المربي ان يكرم حلاله لين اكرام الحلال مايجيب الاخير وافضل قاعده بالعلف هي كل راس كيلو حب غير الحشائش .

5:يجب تكثير العماله وهي النقطه المهمله من كثير من المربين خوفا من معاش العامل مما يؤدي بخسائر فادحه والقاعده هي كل 200راس عامل .

6:يجب على المربي تعلم انواع الامراض واوقاتها وطرق علاجها بنفسه ولايتاكل على احد في هذا الموضوع ويتعلم اخر الادويه لان العلم في تطوروالمثل يقول مايحك ظهرك الااظفرك .

7:يجب عزل الحلال حسب الحجم لكي تتفادى الخساير بالاعلاف وضبط المصروفات مثال رخل ماتاكل مع نعجه لين كميه الالتهام عند النعجه ضعف الرخل يعني بالعربي النعجه تاكل اكل الرخل والرخل تضعف .

8: يجب اعطاء الحلال كل ست شهور جرعه عن الدود لين الحلال بين فتره واخرى يربي دود بالكرش من كثرت الاعلاف وتنوعهاوالدود يخاشر حلالك بالعلف وانت الخسران غنمك ضعاف وفلوسك رايحه بالدودوقيمة علاج الدود الكيلو لايجاوز 50 ريال يكفي مية راس.

9:العدد المناسب للفحول هوكل ميه ثلاث فحول كبار وتقرع اكيدوثلاث جذعان تحرك الكبار . هذا مااستطعت اكتبه الليله والى اللقاء في المشاركه الثانيه وصلى الله على سيدنا محمد الفقير لله ابوسند.