تحصين وعلاج مشاكل تنفسية

 الأخ مليح يسأل: 


السلام عليكم ورحمة الله وبركاته
اخواني بداء مرض عندي في الماعز وعيالها ولا عرفت وش ذا المرض ياليت الي يعرف وشهو يعلمنا ويعلمنا بعلاجه ....
الاعراض : 
1 ـ كحه 
2 ـ افرازات من العيون لدرجة ان العيون تقفل بالمره ولا عاد يشوف .
3 ـ اسهال في الصغار لونه اخضر .
4 ـ ارتفاع درجة الحرارة في بعض الكبار .
5 - عدم الرضاعه بالنسبه للصغار .


الجواب:
اخوي مليح
عندك 3 استفسارات:
1- مشاكل تنفسية 
وهذا تعالجه بالتايلوزين مع
ارتيزون حقن في العضل لمدة 3 ايام بالنسبة للمعز.


2- الاسهالات في الصغار
ما دام لونه اخضر فما منه مضرة ان شاء الله ـ تعطيهم علاج اسمه ديارياستات سائل تجريع في الفم ، واذا ما لقيته اي عصار فم مثل سبكتام او مونوستوب او انتي دايركس.


3- التحصين او التطعيم:
المفروض انك ما تحصن المريض ، التحصين فقط للسليم ..


والظاهر انك تقصد تحصين المواليد :
اذا كمل عمر شهرين فحصن المعوي وبعد 3 اسابيع الدموي وتعيد التحصين بنفس الطريقة بعد شهر
-بالنسبة للكبار 
ما يحتاج انك تعيد التحصين فقط مرة وحد كفاية ويكون ببين التحصينين مدة لا تقل عن 3 اسابيع


ايضا تعطي الجميع فيتامين اد3هـ طويل مفعول جرعة واحد كافية ان شاء الله.. مثل علاج اسمه vitamin ADE450,000